Elordada jol apattary 40 paıyzǵa artyp, polıtsııa turǵyndarǵa eskertý jasady
NUR-SULTAN. QazAqparat – Búgin elordaǵa qar jaýyp, kóktaıǵaqtyń paıda bolýyna baılanysty kommýnaldy qyzmetter qala kóshelerin jınaý úshin kóptegen arnaıy tehnıkany shyǵarrdy, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Osyǵan qaraı polıtsııa elorda turǵyndarynan tehnıka lekterine ilesip júretin polıtsııa patrýlderiniń talaptaryn múltiksiz oryndaýǵa, qar tazalaýshy tehnıkalarǵa kedergi keltiretin jerge kólik qoımaýǵa, arnaıy tehnıkanyń qataryna túspeýge shaqyrdy.
Baspasóz qyzmetiniń málimetterine qaraǵanda, jol-kólik oqıǵalarynyń taldaýyna sáıkes kúni boıy qala aýmaǵynda 100 jol apaty tirkelip, jol-kólik oqıǵalarynyń sany 40% - ǵa ósti.
«Osyǵan qaraı, júrgizýshilerdi qozǵalys kezinde barynsha muqııat jáne saq bolýǵa, jyldamdyq rejımin, qaýipsiz qashyqtyqty jáne manevr jasaý erejelerin múltiksiz saqtaýǵa shaqyramyz. Aınala nashar kórinetin kezde jaıaý júrginshiler jaqyndap kele jatqan kólik quraldaryn kórmeıdi jáne olardyń áreketterin keıde boljaý múmkin emes. Osyǵan baılanysty, jaıaý júrginshiler ótetin jerde júrgizýshilerge qozǵalys jyldamdyǵyn barynsha tómendetip, muqııat bolýdy eskertemiz»,-delingen habarlamada.
