Elordada jol apaty saldarynan jaıaý júrginshi aıaǵynan aıyryldy
ASTANA. KAZINFORM — Eki kóliktiń soqtyǵysýynan eki jaıaý júrginshi zardap shekti, dep habarlaıdy Kazinform agenttiginiń tilshisi.
Astana qalasy polıtsııa departamentiniń málimetinshe, «Geely» kóliginiń júrgizýshisi Syǵanaq pen Aqmeshit kósheleriniń qıylysynda baǵdarshamnyń jasyl túsi janǵanda burylysqa shyǵyp ketip, kóldeneń júrip kele jatqan Toyota kóligine burylýǵa múmkindik bermegen.
— Saldarynan kólikter soqtyǵysyp, «Toyota» kóligi eki jaıaý júrginshi men baǵdarshamdy qaǵyp ketti, — dep habarlady vedomstvo.
Oqys oqıǵa kezinde kólik júrgizýshileri de, eki jaıaý júrginshi de jaraqat aldy. Barlyǵy aýrýhanaǵa jetkizildi.
Eske salsaq, Almaty — Bishkek tasjolynda kólik apatynan jeti adam qaza tapty. Keıinnen kóz jumǵan 5 jolaýshy sport ardageri bolǵany anyqtaldy.