Elordada jol apaty eki esege ulǵaıǵan

ASTANA. KAZINFORM – Elorda prokýratýrasy bıyl 9 aıda jol qozǵalysy qaýipsizdigin qamtamasyz etý máselesi boıynsha quqyq qorǵaý jáne memlekettik organdar basshylarynyń qatysýymen úılestirý keńesin ótkizdi.

«Keńes otyrysynda jol apattarynyń sany eki ese óskeni ataldy. Jol apaty saldarynan 1 383 adam jaraqat alyp, 28 adam qaıtys bolǵan. Onyń ishinde 3-i kámelet jasyna tolmaǵan bala bar. Sonymen qatar jıyn barysynda baǵdarshamdardyń, jol belgileriniń, jaryqtyń bolmaýy taǵy sol sııaqty birqatar kemshilik anyqtaldy», - delingen habarlamada. 

Aqparatta aıtylǵandaı, jol apatynyń jıileý sebepteri – jaıaý júrginshilerdiń joldan ótý erejelerin saqtamaýy, baǵdarshamnyń tyıym salý sıgnalynyń talaptaryn oryndamaýy, araqashyqtyqty saqtamaý jáne joldyń qarsy baǵytyna shyǵý.

«Keńes qorytyndysy boıynsha ýákiletti organdarǵa naqty usynystar berildi, sondaı-aq jol qozǵalysy qaýipsizdiginiń aldyn alý jónindegi sharalar kesheni ázirlendi», - deıdi qalalyq prokýratýradan. 

Quqyqtyq statıstıka jáne arnaıy esepke alý jónindegi komıtettiń málimetine súıensek, bıyl 9 aıdyń ishinde elimizde 19 myńnan astam (19302) jol-kólik oqıǵasy tirkelgen, onyń saldarynan 26 703 adam zardap shekken.