Elordada joǵary jáne birinshi sanattaǵy muǵalimderdiń úlesi 55 paıyz - Tamyz keńesi
ASTANA. QazAqparat - Elordada joǵary jáne birinshi sanattaǵy muǵalimderdiń úlesi 55 paıyz deńgeıinde. Bul týraly búgin Astanadaǵy Tamyz keńesiniń qalalyq plenarlyq otyrysy barysynda málim boldy.
«Bilim berý júıesinde 11 856 pedagog qyzmet etedi. Joǵary jáne birinshi sanattaǵy muǵalimderdiń úlesi 55 paıyzdy quraıdy», - delingen ákimdik málimetinde.
Atap aıtqanda, búginde Astananyń bilim keńistiginde 173 túrli mektepke deıingi mekeme, 84 jalpy bilim berý mektebi, sonyń ishinde 12 jeke menshiktegi mektep jumys isteıdi.
16 jyldyń ishinde Astanada memlekettik mektepter jelisi 35-ke artty. Máselen, 1998 jyly elordada 37 mektep bolsa, 2014 jyly olardyń sany 72-ge jetti.
2017 jylǵa deıin elordada jańa 4 kolledj paıdalanýǵa berilmek. Olardyń ekeýi qurylys, bireýi energetıkalyq jáne taǵy bireýi tehnıkalyq beıindi kolledj bolady.
