Elordada Joǵarǵy sot ǵımaratynyń mańyndaǵy terek mamyǵynan shyqqan órt sóndirildi

NUR-SULTAN. QazAqparat - Elordalyq órt sóndirýshiler terek mamyǵy janýynan shyqqan órtti sóndirdi, dep habarlaıdy QazAqparat Nur-Sultan qalasynyń TJD baspasóz qyzmetine silteme jasap.

Búgin, 25 mamyrda saǵat 14.06-da D.Qonaev kóshesinde terek mamyǵy janyp jatqany anyqtaldy, TJD Órt sóndirý bólimsheleri birden shaqyrtý ornyna attandy.

«Órt sóndirýshiler saǵat 14.13-te kelgen boıda shamamen 250 sharshy metr aýmaqta terek mamyǵy janyp jatqanyn anyqtady. Órtti sóndirýge Nur-Sultan qalasy TJD jeke quramynan 10 adam, 2 tehnıka jumyldyryldy. Órt saǵat 14.29-da sóndirildi», delingen habarlamada.

Keshe elordada órt sóndirýshiler 95 ret órt bolǵan jerlerge bardy, sonyń 53-i terek mamyǵynyń janýyna qatysty.

Qalalyq TJD terek mamyǵyna qatysty eskertý jasady.

«Terek mamyǵyn ózińiz tutatpańyz jáne ony balalardyń jaǵýyna jol bermeńiz. Kóshede terek mamyǵymen oınap júrgen balalarǵa da eskertińiz! Oıynnyń sońy qaıǵyly jaǵdaıǵa ulasýy múmkin ekenin túsindirý qajet. Ózińizdiń jáne aınalańyzdaǵy adamdardyń qaýipsizdigi týraly oılanyńyz!», delingen habarlamada.