Elordada joǵalyp ketken oqýshy tabyldy
ASTANA. QazAqparat – 30 qazan kúni úıinen shyǵyp ketip, qaıta oralmaǵan oqýshy bala tabyldy. Bul jaıynda Astana qalalyq polıtsııa departamentinen málim etti, dep habarlaıdy QazAqparat tilshisi.
«Qabyldanǵan is-sharalardyń arqasynda 12 jastaǵy bala Báıterek aýdanynan tabyldy. Qazirgi ýaqytta jasóspirim úıinde. ıÝvenaldy polıtsııa qyzmetkerleri atalǵan otbasyn erekshe baqylaýǵa aldy. Astana polıtsııasy ata-analarǵa balanyń júris-turysyn baqylaýǵa alý qajettigin jáne olarǵa tálim-tárbıe berýdegi mindetterin durys oryndamaǵany úshin jaýapkershiliktiń bar ekendigin eskertedi»,-delingen departamenttiń baspasóz qyzmetiniń habarlamasynda.
Polıtsııa dál sol oqýshy balanyń buǵan deıin de úıinen ketip qalǵanyn málimdegen bolatyn.
«Qazirgi ýaqytta bala júrýi múmkin baǵyttardyń bárindegi beınebaqylaý kameralary tekserilýde. Munan bólek, kámeletke tolmaǵan jasóspirimniń birinshi ret joǵalmaǵany anyqtaldy. Nátıjesine qaraı otbasy jasóspirimder isi jónindegi polıtsııa qyzmetkerleriniń erekshe baqylaýyna alynady», - dep naqtylaǵan edi vedomstvodan.
