Elordada joǵalǵan er adam men nemeresi tabyldy
NUR-SULTAN. QazAqparat – Elorda polıtsııasy 8 qyrkúıek kúni joǵalyp ketken 59 jastaǵy er adam men onyń 3 jasar nemeresin tapty, dep habarlaıdy QazAqparat tilshisi.
Nur-Sultan qalalyq Polıtsııa departamentiniń málimetinshe, keshe Jeńis dańǵyly boıynda turatyn elorda turǵyny polıtsııaǵa habarlasyp, 3 jasar balasy men 59 jastaǵy ákesiniń saǵat 17.00-de úıden aýlaǵa serýendeýge shyǵyp, qaıtyp oralmaǵandyǵyn aıtqan.
«Ulynyń aıtýynsha, ákesi qalany jaqsy bilmeıdi. Osydan keıin polıtsııa qyzmetkerleri jedel izdeýge kiristi. Jedel izdestirý sharalarynyń barysynda tártip saqshylary turǵyn úı keshenderi biriniń parkınginen atasy men 3 jasar nemeresin tapty. Olar serýendeýge shyǵyp, adasyp ketkennen keıin jylyný úshin parkıngke kirgen eken. Ákesi men balasyna din-aman jolyqqan elorda turǵyny polıtsııa qyzmetkerlerine shynaıy rızashylyǵyn bildirdi», - dep atap ótedi departamentten.
