Elordada jınalyp turǵan qurylys materıaly órtendi
NUR-SULTAN. QazAqparat – Elordada jınalyp turǵan qurylys materıaly órtke orandy, dep habarlaıdy QazAqparat tilshisi.
«Búgin saǵat 15-19-da Nur-Sultan qalalyq tótenshe jaǵdaılar departamentiniń bólimsheleri tútin shyqqan Aqkemer kóshesi 31/1 mekenjaıyna bardy. Órt sóndirýshiler oqıǵa ornyna jetkennen keıin qurylys nysany aýmaǵyndaǵy ashyq alańqaıda jınalyp turǵan qurylys materıaldarynyń (penopleks) janyp jatqanyn anyqtady. Órt aýmaǵy shamamen 40-50 sharshy metrdi quraıdy. Tótenshe jaǵdaılar qyzmetkerleri qyzyl jalyndy saǵat 15-34-te sóndirdi. Zardap shekkender men qaza tapqandar joq», - dep atap ótti atalǵan vedomstvonyń baspasóz qyzmetinen.
