Elordada jınaqtalǵan turmystyq qaldyq kólemi belgilengen mólsherden 2 eseden astam artyq
Eskerilmegen qoqystar qoqys tasýshy kompanııanyń esebinen joıylady. Sonymen qatar, ol óz kezeginde bıýdjet esebinen joıylyp otyrylatyn ruqsat etilmegen qoqystardyń jınaqtalǵan kóz bolyp tabylady. Elordada kommýnaldyq qaldyqtardyń paıda bolýy jáne jınaqtalýy barlyq turǵyn úı qory nysandary men turǵyn emes orynjaılarda jeke belgilenedi. Qoldanylatyn kórsetkish jylyna ár adamǵa - 1,1 tekshemetr qoqys, kópqabatty úılerdegi sııaqty qalanyń jekemenshik sektorlarynda da tek jeke tulǵalarǵa qatysty bolady. Sonymen qatar, qaldyqtardyń jınaqtalý mólsheri áleýmettik, mádenı jáne turmystyq nysandar úshin búginde belgilenbeıdi. Qoqysty tasyp shyǵarýshy kásiporyn esepteý úshin ne boljaldy mólsherdi nemese shyǵarylǵan qoqystyń naqty kólemine qaraı esepti paıdalanady. Bul týraly Astana qalasy Tabıǵı qorlar jáne tabıǵatty paıdalanýdy retteý basqarmasynyń bastyǵy B.І.Ahmetov málim etti.
TKSh-ny jańǵyrtý jáne damytýdyń qazaqstandyq ortalyǵy basqarmasynyń tapsyrysy boıynsha Astana qalasynda kommýnaldyq qoqystardyń paıda bolýy jáne jınaqtalý mólsherin anyqtaý jóninde jumystar júrgizildi. Nátıjesinde, búgingi kúni qoqystardyń naqty jınaqtalý kólemi jylyna bir adamǵa kópqabatty úıler sektorynda 2,16 tekshemetrdi, jekemenshik sektorynda - 2,3 tekshemetrdi quraıtyndyǵy belgili boldy. Polıgonǵa kómýge ákelingen qatty turmystyq qaldyqtarǵa júrgizilgen taldaýlarǵa sáıkes, qazirgi mólsher qoqystyń paıda bolǵan naqty mólsherine sáıkes kelmeıdi. Sondaı-aq, ol QR eń tómengi mólsher bolyp tabylady. Adam basyna shaqtalǵan - 2,6 tekshemetr mólsher - naqty bolyp tabylady. Ári ol qazirgi qoldanylyp júrgen mólsherden 1 tekshemetrge artyq.
«Qaldyqtardy tasyp shyǵarýdaǵy jańadan qabyldanǵan mólsher tarıftiń de ósýine ákeletinin eskere otyryp, halyqtyń turmysy tómen toptaryna aradaǵy aıyrmashylyq turǵyn úı kómegi esebinen óteledi. Sonymen qatar, biz qoqystardy tasyp shyǵarýshy mekemeden UOS ardagerleri men olarǵa teńestirilgen adamdarǵa QTQ jınap, tasyp shyǵarýda tegin qyzmet kórsetetini týraly kepildeme hat aldyq», - dedi B.Ahmetov.
Basqarma mamandarynyń paıymynsha, kommýnaldyq qaldyqtar jınaqtalýynyń jańa mólsherin qabyldaý elordany kúl-qoqystan tazartýǵa baılanysty barlyq túıtkilderdiń júıeli sheshilýine jáne dotatsııasyz tártipke kóshýge múmkindik týǵyzady.
