Elordada jyl basynan beri qansha ruqsat etilmegen qoqys polıgony anyqtaldy
ASTANA. KAZINFORM — Astana qalasynyń Qorshaǵan ortany qorǵaý jáne tabıǵatty paıdalaný basqarmasy basshysynyń orynbasary Medet Jalpybaev naqty statıstıkany málimdedi.
Resmı saýalymyzǵa joldaǵan jaýabynda ol aldymen byltyr atqarylǵan jumystarǵa toqtaldy.
– 2025 jyly «Qazaqstan Ǵarysh Sapary» UK» AQ ǵaryshtyq monıtorınginiń nátıjesi boıynsha, elorda aýmaǵynda 328 zańsyz oryn anyqtaldy. Jyldyń sońyna deıin ákimdik bul ýchaskelerdi tolyqtaı joıdy, – dedi maman.
Al bıyl atalǵan kompanııa ázirge málimet usynbaǵan.
– Degenmen ákimdik qyzmetkerleri monıtorıng júrgizdi, onyń nátıjesinde 72 ýchaske anyqtaldy. Qazirgi tańda olardy joıý boıynsha jumystar atqarylyp jatyr, – dedi Medet Jalpybaev.
Aıta keteıik, «Qazaqstan Ǵarysh Sapary» UK» AQ jergilikti atqarýshy organǵa derek usynǵan soń, bul statıstıka jańartylady.
Eske salaıyq, buǵan deıin Qazaqstan boıynsha 411 ruqsat etilmegen qoqys polıgony anyqtalǵanyn jazǵanbyz.
