Elordada jetisýlyqtardyń sporttyq oıyndar kórsetilimi bastaldy
TALDYQORǴAN.QazAqparat - Búgin Astana qalasyndaǵy «Qazanat» ıppodromynda Almaty oblysynyń ulttyq sport túrlerinen kórsetilimi bastaldy. Shara «EKSPO-2017» halyqaralyq mamandandyrylǵan kórmesine oraı Almaty oblysynyń Mədenıet kúnderi aıasynda ótýde, dep habarlaıdy QazAqparat tilshisi.
Kórsetilimde teńge ilý, aýdaryspaq, jamby atý, tazy ıtter jarysy sııaqty ulttyq sport túrlerinen sheberlik oıyndary usynylýda. Sol sııaqty ıppodrom aýmaǵyndaǵy etnoaýylda asyq atý, toǵyzqumalaq, qazaq kúresinen «túıepalýandar jarysy» qyzdy. Kórermender jetisýlyq búrkitshilerdiń búrkitti qolǵa shaqyrý ónerin de tamashalaýda.
Almaty oblystyq dene shynyqtyrý jəne sport basqarmasynyń bólim basshysy Almat Úshkempirovtiń aıtýynsha, jalpy ulttyq oıyndardy astanalyqtar men elorda qonaqtarynyń nazaryna usynýǵa óńirden 50-ge tarta sportshy kelgen. Olardyń arasynda Qazaqstan Respýblıkasynyń sport sheberleri Meıirjan Mətjan, Eldos Tilebaldıev, Eldar Jıenqulov, Zakırjan Jıenqulov jəne ózge de sportshylar bar. Toǵyzqumalaqtan Astana jəne jetisýlyq komandalar arasynda joldastyq oıyndar ótedi dep josparlanýda.
«EKSPO - 2017» kórmesiniń qonaǵy ulybrıtanııalyq Frederık Avgýstın Baýmaıster ulttyq sport oıyndary úshin ıppodromǵa arnaıy kelgen. «Bul Qazaqstanǵa alǵash kelýim. Astanany kórip, qazaq mədenıetinen, ónerinen habardar boldyq. Búgin men úshin ulttyq sport túrleri, sonyń ishinde búrkitti, arnaıy ıtterdi sporttyq jarystarǵa qosýdy kórý asa qyzyqty boldy. Óte jaqsy əser aldym», - deıdi F. Baýmaıster.
Aıta ketý kerek, ıppodromdaǵy sporttyq sharalar eki kún boıy jalǵasady.
