Elordada «Jetisý» turǵyn úı kesheni janyndaǵy qoqys alańy joıylatyn boldy
ASTANA. QazAqparat - Elordadaǵy Esil aýdanynyń ákimdigi «Jetisý» turǵyn úı kesheni janyndaǵy qoqys ornyn alyp tastaýǵa ýáde berdi, dep habarlaıdy Jańa adamdar qozǵalysynyń baspasóz qyzmeti.
«20 maýsymda Jańa Adamdar Trash Fashion Day atty «sán kórsetilimin» ótkizdi. Modelderdiń kıimderi Astana qalasynyń zańsyz qoqys alańdarynan jınalǵan qaldyqtardan jasalǵan bolatyn.
Qala úkimetiniń reaktsııasyn uzaq kútýge kerek bolmady. Bizdiń telegramm-arnamyzda «sándi kórsetilim» týraly posttyń astynda Esil aýdany ákimdiginiń baspasóz qyzmetiniń jaýabyn kórýge bolady. Sonda Jetisu turǵyn úı kesheniniń qasyndaǵy qoqys alańyn tazartý sharalarynyń bastalǵany týraly málimet berilgen.
Esil aýdany ákimdiginiń baspa qyzmeti bylaı dep jaýap qaldyrǵan: «Osy jyldyń sáýir aıynan bastap, Esil aýdanyndaǵy ruqsat etilmegen qoqys alańdaryn tazartý jumystary júrgiziledi. «Jetisý» turǵyn úı kesheniniń qasyndaǵy aýmaqtan qaldyqtar shyǵarylýyna, turaqty negizde, 2 júk tıegish, 8 júk mashınasy, sondaı-aq taǵy 10 mashına jumyldyryldy. Osy jyly «1000 kamera» baǵdarlamasynyń sheńberinde qurylys qaldyqtaryn jınaýdyń negizgi núktelerinde kún saıynǵy baqylaý ornatý josparlandy. Osy shara tsıfrlandyrý basqarmasymen birge júzege asyrylady», — delingen habarlama.
BAQ derekteri boıynsha, Astanada 500-den astam zańdy ruqsat etilmegen qoqys alańy bar. Jańa Adamdar túrli kreatıvti ádisterdi qoldana otyryp, úkimettiń nazaryn elordadaǵy «qoqys alańdaryna» aýdartýdy ári qaraı jalǵastyrýǵa josparlaıdy.
