Elordada jetim jáne múmkindigi shekteýli balalar Jańa 2014 jyldy qarsy alýda

ASTANA. 21 jeltoqsan. QazAqparat - Qala halqy Jańa 2014 jyldy qarsy alýǵa qyzý daıyndyq ústinde. Shyrshalar ornatylyp, bezendirildi. Sonymen qatar, mektepterde úlken-kishilerge arnalǵan jańa jyldyq is-sharalar uıymdastyrý qolǵa alyndy.

Shyrshaǵa jetim jáne múmkindigi shekteýli 240 bala qatysady. Búginde qalanyń Almaty aýdany osy balalarǵa basa nazar aýdaryp otyr, bul elorda turǵyndaryn qatty qýantýda.

Búgin saǵat 17.00 Oqýshylar saraıynda Almaty aýdany ákiminiń saltanatty shyrshasy ótedi. Aýdan ákimi apparatynyń baspasóz qyzmetiniń habarlaýynsha, oǵan dısneılik mýltfılmderdiń keıipkerleri men merekeniń dástúrli basty keıipkerleri Aıaz Ata men Aqshaqar qatysady.

Vedomstvonyń habarlaýynsha, shyrshada balalarǵa «Aq qus» jańa jyldyq ertegisi usynylady, onda ár bala ertegi álemine saıahat jasap, Jańa 2014 jylǵa qalaǵan nıet-tilekterin jetkize alady. Al is-shara sońynda ár balaǵa tátti-dámder men syılyqtar beriledi, dep jazady astana kz.