Elordada jerasty jaıaý júrginshiler ótkeli paıdalanýǵa berildi
NUR-SULTAN. QazAqparat - Elordada jerasty jaıaý júrginshiler ótkeli paıdalanýǵa berildi, dep habarlaıdy QazAqparat qala ákimdigine silteme jasap.
Qazaq tehnologııa jáne bıznes ýnıversıtetiniń janynda Shyńǵys Aıtmatov kóshesindegi jerasty jaıaý júrginshiler ótkeli paıdalanýǵa berildi.
Jerasty ótkeli salynyp bitkenimen, ishki qaptaý, pandýs ornatý jáne jaryqtandyrý jumystarynyń júrgizilýine baılanysty jabyq bolǵan edi.
Aıta keterligi, qalada kólik aǵyny joǵary kóshelerdiń boıynda birneshe jerasty jaıaý júrginshiler ótkeli bar. Shapaǵat bazarynyń janynda Bógenbaı dańǵylynyń boıynda, Respýblıka kóshesinde Samal aýdany tusynda, qalanyń eski ortalyǵy mańy Kenesary kóshesinde bar.
