Elordada jer telimin basyp alýshylarmen kúres júrýde
ASTANA. 3 sáýir. QazAqparat - Elordanyń Almaty aýdanynda memlekettik jer telimderin óz betinshe basyp alýshy jeke kásipkerlermen kúres tórt aıdan beri jalǵasyp keledi. Bul týraly astana.kz saıtyna aýdan ákimdiginen málim etti.
«2013 jyldyń qańtary men sáýiri aralyǵynda ruqsat qujattarynsyz jumys istep kelgen 81 saýda pavılony men dúńgirshek, 2 avtodúken buzylyp, shyǵaryldy. Olardyń ishinde 12 dúńgirshek, 2 avtodúken bıylǵy jyldyń naýryz aıynda ǵana jumystaryn toqtatty», - delingen habarlamada.
Eske salaıyq, QR Ákimshilik Kodeksiniń 118 babyna sáıkes jer telimderin óz betinshe basyp alyp, zańsyz ıelengeni úshin 50-den 150 AEK-ke deıin aıyppul salynady.
