Elordada «Jer saǵaty - 2019» halyqaralyq aktsııasy ótedi
NUR-SULTAN. QazAqparat - Búgin saǵat 19.30-22.00 aralyǵynda Astanadaǵy «MEGA Silk Way» SOO «Jer saǵaty- 2019» halyqaralyq aktsııasy ótedi, dep habarlaıdy QazAqparat Qazaqstannyń ekologııalyq uıymdar qaýymdastyǵyna silteme jasap.
«Jer saǵaty» - bul ǵalamshar tabıǵaty men resýrstaryna uqypty jáne jaýapty qaraýǵa nazar aýdaratyn dúnıejúzilik ekologııalyq aktsııa. Oǵan búkil álem boıynsha 2 mlrd.-tan astam adam qatysyp, 175 eldiń 7 myń qalasynyń turǵyndary qosylady.
Bıylǵy jyly aktsııa osymen 13-shi ret uıymdastyrylyp, barlyq adamdardy naýryz aıynyń sońǵy senbisinde jergilikti ýaqyt boıynsha 20:30-dan 21:30-ǵa deıin jaryqty óshirýge shaqyrady. Jyl saıyn aktsııa aıasynda Bıg-Ben jáne Vestmınster saraıy, Eıfel munarasy, Kolızeı, Egıpet pıramıdalary, Vatıkandaǵy Áýlıe Petr Sobory, Afına akropoli, Sıdneı opera teatry, Nıý-Iorktegi Empaıer-steıt-bıldıng jáne taǵy basqa álemge tanymal kórikti jerlerde bir saǵatqa jaryq sóndiriledi.
Sol sekildi Astanada da búgin saǵat 20.30 - da eń tanymal ǵımarattar men eskertkishterdiń jaryǵy ýaqytsha sóndiriledi. Atap aıtqanda EKSPO-daǵy «Nur-Álem» sferasy, «MEGASilkWay» SOO, «Máńgilik El» monýmenti, «Báıterek» monýmenti, «Astana Opera» opera jáne balet teatry, «Qazmedıa ortalyǵy», «Qazaqstan temir joly» ulttyq kompanııasynyń ǵımaraty, Táýelsizdik saraıy, Beıbitshilik jáne kelisim saraıy, Haziret Sultan meshiti jáne taǵy basqalar.
«Aldyńǵy aktsııalar qaýipsiz azyq-túlik, jahandyq jylyný, ekologııalyq sana men qorshaǵan ortany qorǵaý taqyryptaryna arnaldy. Al bıylǵy aktsııa «Tabıǵatqa taǵzym» degen ataýmen ótedi. Janýarlar, ormandar, ózender ózderiniń problemalary týraly aıtyp bere almaıdy jáne ol máseleni sheshe almaıdy, bul tek adamǵa ǵana berilgen nyǵmet», - delingen habarlamada.
Osy jylǵy shara #earthhour2019kz #connect2earth heshtegterimen ótedi, osy arqyly áleýmettik jelilerde jarııalanatyn eń úzdik jazba baıqaýy men zııatkerlik vıktorınalyq suraqtarǵa jaýap berý arqyly shara seriktesteri usynǵan syı-syıapattardy utyp alýǵa bolady.
Aıtýly sharany qala ákimdigi jáne QR Energetıka mınıstrliginiń qoldaýymen Qazaqstannyń ekologııalyq uıymdarynyń qaýymdastyǵy men Jasyl ekonomıka jáne G-Global damytý koalıtsııasy ótkizedi.
