Elordada «Jeńis jolymen» atty aktsııa ótedi

ASTANA. QazAqparat - Uly Otan soǵysynyń 70 jyldyǵyna oraı Astanada 8 mamyr kúni «Jeńistiń jolymen» atty keń aýqymdy aktsııa ótedi. Sharany Astana qalasy ákimdiginiń Jastar saıasaty máseleleri basqarmasy uıymdastyrady, dep habarlady astana.gov.kz.

Aktsııa aıasynda eskertkishterge gúl shoqtaryn qoıý, kontserttik baǵdarlama uıymdastyrylady. «Eki jaýynger» eskertkishinen bastap Q. Muńaıtpasov stadıonyna deıin jalpy uzyndyǵy 1,5 km qashyqtyqty quraıtyn arnaıy sherý ótedi. Atalmysh sharaǵa 2000-nan astam qala turǵyny men belsendi jastar, stýdentter men mektep oqýshylary qatysady dep kútilýde.

Odan ózge qatysýshylar áskerı tehnıka kórmesin tamashalaı alady.

«Jeńis jolymen» aktsııasynyń basty maqsaty jastardy otansúıgishtikke baýlý, soǵys ardagerlerine qurmet kórsetý bolyp tabylady.