Elordada «Jeńis muragerleri» aktsııasy ótedi

Mamyrdyń 7-sinde «Jeńis muragerleri» aktsııasynyń ashylý saltanaty bolady. Sharany aǵartýshylyq baǵdarlamasynyń aıasynda «KAZENERGY» qaýymdastyǵy men «QazMunaıGaz» Ulttyq kompanııasy uıymdastyrmaqshy, dep habarlaıdy QazAqparat.

Sharaǵa baılanysty joǵary synyp oqýshylary, joǵarǵy oqý oryndary men kolledjderdiń stýdentteri, jas mamandar arasynda úsh atalym boıynsha konkýrs jarııalanǵan bolatyn. Buǵan deıin úmitkerlerdiń jumystary qabyldanyp, olar atalymdar boıynsha saralanǵan bolatyn. Endi saıystyń qorytyndysy boıynsha úzdik dep tanylǵan materıaldar «KAZENERGY» jýrnalynyń arnaıy nómirinde basylyp, «KAZENERGY» qaýymdastyǵynyń resmı saıtynda jáne qaýymdastyqtyń músheleri men seriktesteriniń saıttarynda jarııalanady.

Esterińizge sala keteıik, konkýrs atalymdary: «Uldarym men nemerelerimniń este saqtaýy úshin» (úzdik áńgime), «Ýaqyttyń ámiri júrmeıtin estelik» (fotosaıys), «Otan úshin! Jeńis úshin!» (Soǵys jyldarynyń fotosýretteri. 1941-1945j.j.), «Estelikke» (Bet-álpetterdiń fotosýretteri) «Bul - Jeńis kúni»(Barlyǵy jeńis jaıly), «Muragerler» (Soǵys ardagerleriniń balalary jáne nemerelerimen túsken fotosýretteri), «Syrlasý» (Soǵys ardagerleri jastarmen sóılesip jatqan mezetter), «Ol týraly umytýǵa haqym joq!» (Kadetterdiń úzdik áńgimesi).

«Jeńis muragerleri» aktsııasynyń ashylý saltanaty mamyrdyń 7-i kúni «Astana-Báıterek» monýmentiniń qasynda ótedi dep josparlanýda. Sonymen birge, shara aıasynda mamyrdyń 7-9-y aralyǵynda, úsh kún qatarynan «Astana-Báıterek» monýmenti men «Kongress-Holl» ǵımaratynyń aldynda «Estelik qabyrǵasy» ornatylady. Onda kez-kelgen adam arnaıy stıkermen ardagerlerge jyly lebizin bildirip, quttyqtaý sózderin jaza alady.

«Jeńis muragerleri» aktsııasynyń basty maqsaty - Uly Jeńisti, maıdan men tyldaǵy ata-apalarymyzdyń batyrlyǵyn, sol bir aýyr kúnderdegi azamattar men oqıǵalardy jastardyń esine salý.