Elordada Jeńis kúnine arnalǵan merekelik otshashý boldy
NUR-SULTAN. QazAqparat - Nur-Sultanda Jeńis kúnine arnalǵan merekelik otshashý boldy, dep habarlaıdy QazAqparat.
Merekege arnalǵan otshashý saǵat 22:00-de qalanyń eki jerinde ótetini týraly buǵan deıin habarlaǵan bolatynbyz. Elordalyqtar men megapolıs qonaqtary feıerverkti Esil ózeniniń jaǵalaýynda jáne Trıatlon saıabaǵynda tamashalaı aldy.
Búgin adamzat tarıhyndaǵy eń alapat soǵystyń aıaqtalǵanyna 74 jyl toldy. SSSR úshin qandy soǵys toqtaýsyz 5 jylǵa, ıaǵnı 1 418 kúnge sozyldy. Oǵan Sovet odaǵynyń quramyndaǵy respýblıkalardyń azamattarymen qatar qazaqstandyqtar da qatysty. Jalpy, 1939 jyldyń qyrkúıeginde bastalǵan Ekinshi dúnıejúzilik soǵys oty álemniń 57 elin sharpyp, ártúrli derekter boıynsha 50-den 80 mıllıonǵa deıin adam ómirin jalmap ketken.
Sońǵy derekterge súıensek, soǵys jyldary SSSR-den 27 mıllıon qurban bolǵan. Qazaqstannan 1 mln 200 myń adam maıdanǵa attanyp, onyń teń jartysy oralmady. 500-den astam qazaqstandyq jaýynger Sovet Odaǵynyń Batyry atandy.
Qazaqstanda qazirgi tańda Ekinshi dúnıejúzilik soǵysqa qatysqan 1 400-den astam ardager turady.
