Elordada jeńildetilgen jol júrý bıletteriniń merzimi uzartyldy
ASTANA. 4 qańtar. QazAqparat - Elordada jolaýshylar kóliginde jeńildetilgen jol júrý bıletteriniń merzimi 2013 jyldyń sońyna deıin uzartyldy.
Elordanyń resmı saıtynyń málimetinshe, bıylǵy jyly da Astana turǵyndary 2012 jylǵy úlgidegi jeńildetilgen jol júrý bıletterin paıdalanatyn bolady.
Eske salaıyq, 2007 jylǵy 17 qarashadaǵy elorda máslıhatynyń sheshimine sáıkes qalanyń jolaýshylar kólikterinde jeńildetilgen jol júrý quqyǵy myna sanattaǵy azamattarǵa: Uly Otan soǵysynyń múgedekteri men qatysýshylaryna jáne olarǵa teńestirilgenderge, jasyna jáne eńbek sińirgen jyldaryna baılanysty zeınetke shyqqandarǵa, múgedekter men on segiz jasqa deıingi múgedek balalarǵa, kópbalaly analarǵa berilgen.
