Elordada jeńil relsti tramvaı 2013 jyldyń 1 jeltoqsanynda paıdalanýǵa beriledi
ASTANA. 3 maýsym. QazAqparat /Marlan Jıembaı/ - Elordada jeńil relsti tramvaı 2013 jyldyń 1 jeltoqsanynda paıdalanýǵa beriledi. Bul týraly búgin Astananyń keleshektegi damýy máselesine arnalǵan keńeste Astana qalasynyń ákimi Imanǵalı Tasmaǵambetov málim etti.
«Jeńil relsti tramvaı (JRT) syndy aýqymdy joba boıynsha barlyq qujattamanyń daıyndalǵandyǵyn atap óte alamyn. Jobany is júzinde júzege asyrý úshin «Astana JRT» JShS quryldy. Al jobalyq-smetalyq qujattamasyn ázirleý jáne qurylysyn bastaý úshin 5 mlrd. teńge bólindi», - dep atap ótken qala basshysynyń aıtýynsha, 1 shildede jobanyń júzege asyrylýynyń bastalýyna oraı arnaıy kapsýla salý josparlanýda.
«Uzyndyǵy 16,4 shaqyrymdy qurap, 9 aıaldamasy bolatyn JRT qurylysynyń birinshi kezeńin 2013 jyldyń 1 jeltoqsanynda aıaqtaý josparlanýda», - dedi I.Tasmaǵambetov.
