Elordada jeńil kólik pen avtobýs soqtyǵysty
NUR-SULTAN. QazAqparat – Búgin tańerteń elordada jeńil kólik pen avtobýs soqtyǵysty, dep habarlaıdy QazAqparat qalalyq polıtsııa departamentine silteme jasap.
«26 qarasha kúni saǵat 06.35-te «Wolkswagen Golf» markaly avtomobıldiń 21 jastaǵy júrgizýshisi B.Momyshuly - Táýelsizdik dańǵyldarynyń qıylysynda №101 baǵdarly avtobýspen soqtyǵysyp qaldy. «Wolkswagen Golf» júrgizýshisine qatysty QR Ákimshilik quqyq buzýshylyq týraly kodeksi 610-babynyń 2-bóligine sáıkes ákimshilik hattama toltyryldy. Tekseris júrip jatyr. Jol-kólik oqıǵasynan eshkim zardap shekpegen», - dep málimdedi departamenttiń baspasóz qyzmeti.
Nur-Sultan qalasynyń polıtsııa departamenti júrgizýshilerdi jolda, ásirese kún raıy buzylǵan kezde óte abaı bolýǵa, ara qashyqtyqty saqtap, joldaǵy manevrlar kezinde saq bolýǵa shaqyrady.
