Elordada «Jemqorlyqsyz ómir» qysqametrajdy fılminiń premerasy ótti

Bul týraly "Qazaqstan 2050" jalpyulttyq qozǵalysynan habarlady.

Fılmde jeń ushynan jalǵasqan jemqorlyq jolyna túsken Arman esimdi jigittiń oqıǵasy baıandalady. Alaıda, Armannyń ómirinde bolǵan bir oqıǵa jas jigitti paradan bas tartýǵa jetelep, qas-qaǵym sátte barlyǵyn ózgertip jiberedi. Bas keıipker kezinde óziniń qabyldaýynda bolǵanda para berýden bas tartqasyn eregesip, onyń máselesin sheshpeı qoıǵan bir beıbaq qarııany keziktiredi. Bul kezdeısoq júzdesý Armannyń ómirge degen kózqarasyn qaıta qarastyrýǵa sebepshi bolady. Arman sol mezette para berýdi talap etken saıyn adamdardyń azap shegýine sebep bolyp júrgenin túsinedi.

Fılmdi túsirýge «Qazaqstan 2050» jalpyulttyq qozǵalysy belsendileriniń qoǵamdaǵy sybaılas jemqorlyqqa qarsy kóńil-kúıdi qalyptastyrýǵa degen nıeti túrtki boldy. Týyndynyń rejısseri Qozǵalys belsendisi, kınosúıer qaýymǵa «On ı Ona» fılmi arqyly jaqsy tanys daryndy rejısser Sáken Joldas.

«Jemqorlyq degenimiz jáı ǵana másele emes, bul el bolashaǵyna tóngen úlken qaýip. Sottaý, qatań sot úkimi árıne, mańyzdy, biraq olar bul túıtkildi tolyǵymen sheshe almaıdy. Máselen, Qytaıda, para úshin atý jazasyna kesiledi, biraq paraqorlyq bul elde joıylyp ketken joq. Adamdar qoryqqanmen, urlaýyn tımaı keledi. Sondyqtan, jemqorlyqtan qutylýdyń amaly, tek oǵan ákelip soqtyratyn jaǵdaılardy boldyrmaý. «Qazaqstan 2050» Strategııasynda bul másele tótesinen qoıylǵan jáne olar sheshilýde. Alaıda, tek memlekettik organdar ǵana emes, bul jumysqa búkil qoǵam bolyp jumyla kirisýimiz kerek. Eń aldymen bul úshin halyqtyń boıynda jemqorlyqqa degen jıirkenishti týǵyzýymyz qajet. Adal bolyp, elge qyzmet arqyly bedelge ıe bolý kerek. Elbasy da bizdi osyǵan shaqyrady, bul keleshegimizge de qajet», deıdi «Qazaqstan 2050» jalpyulttyq qozǵalysynyń Keńes tóraǵasy Danat Jumın.

«Jemqorlyqsyz ómir» fılmi eki birdeı Kinopark kınoteatrynda kórsetiledi, sondaı-aq, ǵalamtorda, qozǵalystyń resmı YouTube arnasynda jáne áleýmettik jelilerde jarııalanady. Qozǵalystyń belsendileri eń aldymen, jastardy jemqorlyqsyz ómir súrýge shaqyrǵysy keledi.