Elordada «Jemqorlyqqa qarsy mádenıet negizderi» atty oqý quraly talqylanýda
ASTANA. QazAqparat - Búgin elordada «Jemqorlyqqa qarsy mádenıet negizderi» atty oqý quralyn talqylaýǵa arnalǵan dóńgelek ústel otyrysy ótýde.
«Elbasymyzdyń 5 ınstıtýttyq reformasy «100 naqty qadamynyń» 10-shy qadamynda sybaılas jemqorlyqpen kúresti kúsheıtý kózdelgen. Bul jospar eldi damýdyń jańa kezeńine shyǵaratyn naqty is-qımyl jospary bolyp tabylady. Sonymen birge agenttiktiń aldaǵy eń mańyzdy jumysynyń biri retinde sybaılas jemqorlyqqa qarsy bilim berý baǵytyn ataýǵa bolady», - dedi jıyndy ashqan QR Memlekettik qyzmet isteri jáne sybaılas jemqorlyqqa is-qımyl agenttigi tóraǵasynyń orynbasary Saıan Ahmetjanov.
Sonymen qatar ol ótken jyldyń sońynda elimizdiń 2015-2025 jyldarǵa arnalǵan jemqorlyqqa qarsy strategııasynyń qabyldanǵanyn atap ótti.
«Prezıdenttiń «Dástúr men mádenıet ulttyń genetıkalyq kody», degen sózi bar. Osy tusta sybaılas jemqorlyqtyń qazaq halqynyń jáne qazaq elin mekendeıtin etnostardyń túptki mádenıetine jat dúnıe bolǵanyn ataǵym keledi. Halqymyzdyń ózine tán sanasyn oıatý maqsatynda úkimettik emes uıymdarmen, kásipkerlermen, oqý oryndarymen, memlekettik organdarmen, tipti dinı, ulttyq jáne mádenı birlestiktermen birlesip, bir-birimizdiń múmkindigimizdi paıdalanatyn bolamyz», - dedi A.Ahmetjanov.
Aıta keterligi, joǵary oqý oryndaryna arnalǵan oqý quraly búginde daıyn. Degenmen, ony ǵalymdar taǵy bir pysyqtap, kem-ketigin túzep, qajet bolsa tolyqtyrýlar engizbek. Jalpy, oqý quralyn keminde 125 dana shyǵarý josparlanǵan.
