Elordada jemqorlyqqa qarsy is-qımyl boıynsha baıqaý ótip jatyr

Astana qalasynda 11-12 qarasha kúnderi «Han Shatyr» saýda oıyn-saýyq ortalyǵy men «Asia Park» saýda oıyn-saýyq ortalyǵynda saǵat 13:00-18:00 aralyǵynda «Sybaılas jemqorlyqqa qarsy is-qımyl boıynsha Úzdik joba ıdeıalary» baıqaýy ótedi. Bul týraly Kazinform elorda ákimdiginiń resmı saıtyna silteme jasap habarlaıdy.

Baıqaý uıymdastyrýshylary – «Astana qalasynyń ishki saıasat basqarmasy» MM, QR Sybaılas jemqorlyqqa qarsy is-qımyl agenttiginiń Astana qalasy boıynsha departamenti.

Baıqaýdyń maqsaty men mindeti – parasattylyq pen sybaılas jemqorlyq kórinisterine «múldem tózbeýshilik» ıdeologııasyn ilgeriletý, azamattyq qoǵamdy sybaılas jemqorlyqqa qarsy qyzmetke jumyldyrý, sybaılas jemqorlyqqa qarsy is-qımyl salasyndaǵy perspektıvaly jobalardyń ıdeıalaryn izdeý, sybaılas jemqorlyqqa qarsy is-qımyl salasyndaǵy azamattyq bastamalardy qoldaý.

Komıssııa usynylǵan ıdeıalardy 3 krıterıı boıynsha baǵalaıdy: ózektiligi, tıimdiligi, ereksheligi.
Baıqaý jeńimpazdaryna dıplom jáne aqshalaı sertıfıkattar tabystalady.

Marapattaý rásimi Halyqaralyq sybaılas jemqorlyqpen kúres kúnine arnalǵan forýmda ótedi.