Elordada jeksenbi kúni qoǵamdyq kólik qatynaıdy
NUR-SULTAN. QazAqparat – Elordada jeksenbi, 11 qazanda qoǵamdyq kólik qatynaıtyn bolady, dep habarlaıdy QazAqparat tilshisi.
City Transportation Systems kompanııasynyń málimetinshe, aýa raıynyń salqyndaýyna baılanysty, sondaı-aq elordamyzdyń turǵyndary men jumys berýshilerdiń suraýy boıynsha jeksenbi kúni qoǵamdyq kólik qozǵalysy toqtatylmaıdy. Bul kúni avtobýstar saǵat 21:00-ge deıin júredi. Basqa kúnderi qoǵamdyq kólik qalypty jumys isteıdi.
«Avtobýstar men avtoparkterde ádettegideı ár aınalymnan keıin jáne sońǵy aıaldamalarda dezınfektsııalyq jumystar júrgiziledi. Qala turǵyndaryn sanıtarlyq normalardy saqtaýǵa shaqyramyz. Avtobýstarǵa betperdesiz kirýge tyıym salynady. Jol aqysy qolma-qol aqshasyz tólenedi», - dep atap ótedi kompanııadan.
