Elordada jekpe-jek saraıy ashylady
NUR-SULTAN. QazAqparat - Elorda kúni qarsańynda Jekpe-jek saraıynyń qurylysy aıaqtalady. Bul týraly Parlament Senatyndaǵy Úkimet saǵatynda Nur-Sultan qalasy ákiminiń orynbasary Erlan Kanalımov aıtty, dep habarlaıdy QazAqparat tilshisi.
«Jaqyn arada 5 myń orynǵa arnalǵan Jekpe-jek saraıynyń qurylysy aıaqtalady, ıaǵnı qala kúninde ashylady dep josparlanýda», - dedi E. Kanalımov.
Onyń atap ótýinshe, búginde dene shynyqtyrý jáne saýyqtyrý keshenderi jetispeıdi
«Qazirgi kezde sporttyq nysandar shamadan tys jumys isteýde, ıaǵnı onyń deńgeıi 143 paıyzǵa jetti. Elbasy tapsyrmasyn oryndaý aıasynda 4 turǵyn alabynda dene shynyqtyrý-saýyqtyrý keshenniń qurylysyna jobalaý-smetalyq qujattamasy ázirlenýde. Bul keshender ámbebep bolady. Sporttyq alańdardan bólek, osy aýmaqta halyqqa qyzmet kórsetý ortalyǵy, egde jastaǵy adamdar úshin klýb, polıtsııa, dárihana, medıtsınalyq pýnkt qamtylady. Qurylys jumystaryna 6,4 mlrd teńge qarastyrylyp, 2,7 mlrd teńgesi bólindi. Qurylys jumystaryn bastaý bıyldyń ekinshi jartjyldyǵyna josparlanǵan. Bul ǵımarattar 2021 jyly paıdalanýǵa beriledi»,- dedi ákimniń orynbasary.
Osy oraıda, ol bul sporttyq nysandar barlyq turǵyndar úshin qoljetimdi bolatynyn atap ótti.
