Elordada jekemenshik balabaqsha sany artyp keledi
NUR-SULTAN. QazAqparat - Elordada jekemenshik balabaqsha sany artyp keledi. Bul týraly pedagogıka qyzmetkerleriniń tamyz keńesinde elorda ákimi Altaı Kólginov aıtty, dep habarlaıdy QazAqparat tilshisi.
«Qashyqtan oqytýǵa baılanysty muǵalimderge júktemeniń artatyndyǵy belgili. Buǵan qosa, sizderge úlken jaýapkershilik te júkteledi. Bilim sapasynyń ustazǵa baılanysty ekendigin jaqsy túsinedi. Árbir sabaq ashyq sabaq sııaqty tııanaqty daıyndyqty talap etedi. Eń aldymen mekemeler jáne ósip kele jatqan halyq sany arasyndaǵy teńgerim strategııalyq maqsat bolyp qala beredi. Ásirese bul iri qalalarǵa jáne elordamyzǵa qatysty jaıt», - dedi elorda ákimi.
Osy rette balabaqshalardyń máselesine toqtalǵan onyń dereginshe, ótken jyly elordada mektepke deıingi uıym jelisinde 377 jekemenshik balabaqsha bolǵan. Al bıyl olardyń sany 435 uıymǵa jetip otyr.
«Jańa 58 jekemenshik balabaqsha ashyldy jáne jekemenshik mektepke deıingi balalar uıymdaryn damytýǵa járdem berýdi jalǵastyramyz. Melekettik tapsyryspen balalardy qamtý kórsetkishi 25 paıyzǵa artyp, 18 myńnan 24 myńǵa jetti. Eger biz ótken jyly 6 mlrd teńgege jýyq qarjy bólsek, bıyl 6 mlrd 600 mln bólip otyrmyz. Bul mektep jasyna deıingi balalardyń 99 paıyzyn qamtýǵa múmkindik beredi», - dedi Altaı Kólginov.
