Elordada jeke quramynda 3 556 adam bar azamattyq qorǵanystyń 180 aımaqtyq jasaǵy quryldy - Astana qalasynyń TJD
ASTANA. Shildeniń 28-i. QazAqparat - Astana qalasy Tótenshe jaǵdaılar departamentinde Qazaqstan Respýblıkasy Tótenshe jaǵdaılar mınıstrligi apparatynyń jetekshisi Seıitqajy Oqasovtyń basshylyǵymen jartyjyldyqtyń qorytyndylary boıynsha keńes ótti, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz habarlamasynda atalyp ótilgendeı, otyrys barysynda Tótenshe jaǵdaılar departamenti jáne onyń bólim basshylary qyzmetiniń qorytyndylary boıynsha baıandamalar tyńdaldy.
Ónerkásiptik jáne órt qaýipsizdigin qamtamasyz etý úshin Tótenshe jaǵdaılar departamenti 2 865 kásiporyndy, uıymdy, áleýmettik-mádenı, bilim berý, densaýlyq saqtaý jáne t.b. nysandardy tekserýden ótkizgen, dep atap ótti óz sózinde Astana qalasy TJD bastyǵynyń orynbasary Erik Tileýjanov.
TJD bólim bastyǵy Beısembaı Qabdıev qalanyń apattyq-qutqarý qyzmetniń daıyndyq deńgeıi týraly aıtty. Onyń sózine qaraǵanda, búgingi tańda Astanada azamattyq qorǵanys jáne tótenshe jaǵdaılar bazasynda memlekettik mekemelerde, kez kelgen kásiporyn men uıymdarda jeke quramynda 3 556 adam bar, azamattyq qorǵanystyń 180 aımaqtyq jasaǵy qurylǵan.
