Elordada jeke qarajat esebinen jel elektr stantsııasy salynady
ASTANA. QazAqparat - Astana qalasynyń ákimi Altaı Kólginov Instagram paraqshasynda elordada jel elektr stantsııasy salynatynyn málim etti, dep habarlaıdy QazAqparat.
«Elordada sheteldik jeke qarajat esebinen jel elektr stantsııasyn (JES) salýdy josparlap otyrmyz. Bul máseleni Italııanyń ENI munaı-gaz kompanııasymen («Arm Wind» JShS), QR Energetıka mınıstrligi ókilderimen birlese pysyqtap jatyrmyz.
Jel elektr stantsııasynyń qýaty birinshi kezeńde 50 MVt bolady, al odan ári 100 MVt-tan asa ulǵaıtýǵa múmkindigi bar.
Jańartylatyn energııa kózderi salasyndaǵy bul joba elektr energııasynyń qosymsha mańyzdy kólemin qurýǵa múmkindik beredi. Osy arqyly qurylysy júrip jatqan bolashaq aýdandardy elektr energııasymen qamtamasyz etedi.
Osy maqsatta tartylatyn sheteldik jeke ınvestıtsııalar somasy 50 mlrd teńgege jýyqtaıdy. Qazirgi ýaqytta tehnıkalyq-ekonomıkalyq negizdemesi ázirlenip jatyr.
Memleket basshysy jańartylatyn energııa kózderi sektoryn keńeıtýdiń jáne elimizdiń elektr energetıkasy salasyn damytýdyń erekshe mańyzdylyǵyna toqtalyp ótti. Sebebi qazir energetıka el ekonomıkasynda negizgi ról atqarady.
Prezıdent elimizdegi «jasyl» tehnologııalardyń úlesi 2030 jylǵa qaraı 15%-ǵa deıin artýy tıis ekenin atap ótti», – dep jazdy elorda ákimi.
Foto: Aleksandr Kýprıenko
