Elordada jeke ınvestıtsııaǵa alynatyn 100 elektr avtobýs jelige qosylady
NUR-SULTAN. QazAqparat – Elordada jeke ınvestıtsııa kómegimen elektr avtobýs sanyn 200-ge deıin kóbeıtý josparlanyp otyr, dep habarlaıdy QazAqparat ákimdikke silteme jasap.
Qalalyq ákimdikte elorda ákimi Altaı Kólginovtiń tóraǵalyǵymen qoǵamdyq kóliktiń jumysyn jaqsartý jáne kólik júıesin damytý máseleleri boıynsha jıyn ótti. Memleket basshylyǵy janarmaıdyń balama túrine kóshirýdi tapsyrǵan bolatyn. Buǵan deıin ınvestıtsııa máseleleri boıynsha keńeste ákimdik elektr avtobýs óndirýmen aınalysatyn kompanııanyń jobasyn maquldady.
Jeke ınvestor óz qarjysyna elordaǵa elektr avtobýs ákeledi. Qala ákimdigi satyp alatyn 100 elektroavtobýs bıyldan bastap jelige shyǵa bastady. Dybyssyz elektr avtobýsynyń artyqshylyǵy – olar ekologııalyq jáne paıdalanǵanda kóp shyǵyndy qajet etpeıdi.
«Bul avtobýstardy paıdalaný avtopark tek dızeldi 80%-ǵa deıin únemdeıtinin kórsetti. Sondaı-aq maı aýystyrý jáne basqa da qajettilikter bolmaǵandyqtan, eksplýatatsııalyq shyǵyn 80% azaıǵanyn baıqadyq. Eger dızel shyǵy táýligine 22-25 myń teńge bolsa, elektr shyǵyny odan 4-5 ese az. Avtobýsty kúnine bir ret, tek túnde qýattaıdy, al kúndiz oǵan qajettilik joq», - dedi «City Transportation Systems» kompanııasynyń basqarma tóraǵasy Bekmyrza Igenberdınov.
Jańa elektr avtobýs avtoparkterdi aıtarlyqtaı jańartyp, avtobýstardyń júrý ýaqyty men aıaldamada kútý ýaqytyn azaıtýǵa múmkindik beredi. Budan bólek, elorda ákimi turǵyndar jol aqysyna qatysty másele kóterdi.
Qysta balalardy jol aqysyn tólemegeni úshin avtobýstan túsirip ketken kezder boldy. Eger bala mektepten nemese úıirmeden qaıtatyn kezde, ásirese otbasyda birneshe bala bolsa jolaqysyn tóleý qıynǵa soǵatyn. Elorda ákimi Altaı Kólginovtiń tapsyrmasyna sáıkes, 28 naýryzdan bastap qalalyq, qala mańyna qatynaıtyn jáne ekspress baǵdarlarda 18 jasqa deıingi balalar úshin jol aqysy tegin boldy (Tek jolaýshylar kóligin belgilep, olardyń júrý kestesin yńǵaıly etip jasaý úshin kólik kartasy qajet).
Budan basqa qoǵamdyq kólikte jasy boıynsha zeınetkerler, UOS ardagerleri, múgedekter, múgedekterdi ertip júretinder, kópbalaly otbasylar tegin júredi. Avtobýsta tegin júrý úshin atalǵan sanattaǵy azamattarda ataýly jeńildik kartasy bolýy kerek.
Elorda avtobýstarynda elektrondy tólem qabyldanady. Qoǵamdyq kólik osy júıemen tolyq qamtylǵan, sondaı-aq pılottyq joba retinde Face Pay júıesi paıdalanylady. Avtobýstaǵy kameralar adamdardy bet-beınesi arqyly tanıdy, jolaqy avtomatty túrde alynady.
