Elordada jedel járdemge qosymsha ótinim berý arnasy iske qosyldy
NUR-SULTAN. QazAqparat – Elordada jedel járdemge qosymsha ótinim berý arnasy iske qosyldy, dep habarlaıdy QazAqparat tilshisi.
«Jedel járdem koll-ortalyǵyna baılanys júktemesiniń joǵarylaýyn eskere otyryp, qosymsha ótinim berý arnasy iske qosyldy - bul bot @ns103bot. Botty paıdalanyp, jedel járdem shaqyrta alasyz. Bottyń barlyq suraqtaryna jaýap bere otyryp, ózińizdiń JSN, sonymen birge turǵylyqty mekenjaıyńyzdy kórsete otyryp, sizdiń ótinishińiz qabyldaý bóliminiń dıspetcherine jiberiledi», - dep jazdy elorda ákiminiń orynbasary Malıka Bekturova óziniń Telegram arnasynda.
Ári qaraı qońyraý shuǵyldyq sanaty boıynsha Qazaqstan Respýblıkasy Densaýlyq saqtaý mınıstrliginiń № 450 buıryǵyna sáıkes anyqtalady.
«Jedeldik sanatyn taǵaıyndaǵannan keıin, ótinim dıspetcherdiń shaqyrý kezegine túsedi, ol osy shaqyrýǵa brıgadany taǵaıyndaıdy. Jalǵan málimetter bolǵan jaǵdaıda ótinim qabyldanbaıdy.
Budan buryn habarlanǵandaı, Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova elordada jedel járdem qyzmetine júkteme artqanyn málim etti.
