Elordada jedel járdem stantsııasyna jańa kólikter berildi
«Medıtsınalyq ortalyqtar men jedel medıtsınalyq járdem stantsııasyn júıeli túrde jabdyqtaý jumysy júrip jatyr. Jedel medıtsınalyq járdem stantsııasynyń avtoparkine taǵy 55 avtokólik qosyldy. Olardyń basym bóligi – reanımobılder.
Osyǵan deıin 100-den asa avtokólik tapsyrylǵan. Osylaısha, avtopark aıtarlyqtaı modernızatsııalanyp, mashınalar sany artty. Arnaıy avtokólikter alǵashqy medıtsınalyq kómek kórsetý úshin qajetti jabdyqtarmen jabdyqtalǵan: ókpeni jasandy jeldetý apparaty, defıbrıllıator-monıtorlar, elektrli sorǵyshtar, jedel medıtsınalyq kómek kórsetý úshin reanımatsııalyq qurylǵylary bar jıyntyqtar (elektrokardıograf) jáne t.b.
Memleket basshysy medıtsına salasyn damytýǵa, medıtsınalyq qyzmetterdiń qoljetimdiligin qamtamasyz etýge jáne sapasyn jaqsartýǵa, jedel medıtsınalyq kómek qyzmetin jańǵyrtýǵa erekshe kóńil bóledi.
Sońǵy úsh jyl ishinde medıtsınalyq mekemeler 3 myńǵa jýyq arnaıy jabdyqpen tolyq jabdyqtaldy, 40 «úı janyndaǵy dáriger» nysany (olardyń 7-eýi eldi mekenderde ornalasqan) ashyldy, birqatar medıtsınalyq mekemege jóndeý júrgizildi, 4 medıtsınalyq mekemeniń qurylysy boıynsha tıisti jobalar iske asyp jatyr.
Sol sııaqty «Jaǵalaý-3» jáne «Nurly jol» vokzaly aýmaǵynda ambýlatorly-emhanalyq keshen, Kóktal-1, Prıgorodnyı, Telman jáne t.b. eldi mekenderde alǵashqy medıtsınalyq-sanıtarlyq kómek kórsetý ortalyqtarynyń qurylysy josparlanǵan. Sondaı-aq medıtsına qyzmetkerleriniń jalaqysy júıeli deńgeıde ósedi, joǵary bilim alýǵa jyl saıyn granttar bólemiz», - dep jazdy qala ákimi.
