Elordada jedel járdem qyzmetine táýlik ishinde 3 myńnan astam qońyraý tústi
NUR-SULTAN. QazAqparat – Nur-Sultan qalasynda bir táýliktiń ishinde jádel járdem qyzmetine 3300-den astam qońyraý túsip, mobıldi brıgadalar kúnine 2 myńnan astam shaqyrtýǵa bardy.
Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy QazAqparat tilshisi.
«Ókinishke qaraı, elordada koronavırýs ınfektsııasyn juqtyrý deńgeıi báseńdemeı tur. Nur-Sultan qalasy epıdemıologııalyq jaǵdaıǵa baılanysty «qoıý qyzyl aımaqtan» shyǵyp, «qyzyl aımaqqa» ótti. 11 tamyz boıynsha ınfektsııalyq statsıonarlarda 2 699 naýqas jatyr, osylaısha júkteme 69%-dy qurap otyr. Ortasha eseppen táýlik ishinde 300-ge deıin adam aýrýhanaǵa jatqyzylady. Statsıonarlarda 3 900-dan astam tósek-oryn bar. Qazirgi ýaqytta KVI-men kúresýge qala boıynsha 16 ınfektsııalyq statsıonarda 7 myńǵa jýyq medıtsına qyzmetkeri indetpen kúresip jatyr», - dedi Tımýr Muratov Ortalyq kommýnıkatsııalar qyzmeti alańynda onlaın ótken baspasóz máslıhatynda.
Sondaı-aq, basqarma basshysy búginde jedel járdem brıgadalary, 103 qyzmetti jáne bastapqy medıtsınalyq sanıtarııalyq kómek berý uıymdaryndaǵy mobıldi brıgadalardyń jumysy jumysy qarqyn ala túskenin aıtty.
«Tek ótken táýlikte jedel járdem stantsııasyna túsken qońyraýlar sany 3 300-den myńnan asty. KVI boıynsha qońyraýlar sany táýligine 396-ǵa jetti. Mobıldi brıgadalar kúnine 2 myńnan astam shaqyrtýǵa barady. Bastapqy medıtsınalyq sanıtarııalyq kómek berý uıymdarynda 12 myńnan astam naýqas koronavırýs ınfektsııasynan em alyp jatyr. Qala ákimniń tapsyrmasymen mobıldi brıgadalardyń sany 300-ge deıin kóbeıtildi», - deıdi ol.
