Elordada jedel járdem kóligi apatqa ushyrady
NUR-SULTAN. QazAqparat - Elordada jedel járdem kóligi apatqa ushyrady. Bul aqparatty Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.
Departament aqparatyna qaraǵanda, búgin tańerteń saǵat 08:29-da 1976 jylǵy azamat júrgizip kele jatqan «Hyundai» jedel járdem kóligi shaqyrtýǵa bara jatyp, apatqa ushyraǵan.
«Arnaıy dybys belgisin qosyp Qonaev kóshesimen Turan dańǵylyna qaraı janama jolmen kele jatqan kólik №1 qarama-qarsy jaıaý júrginshiler kópiriniń tireýine soǵylǵan. Jol-kólik apaty saldarynan zardap shekkender joq», - dep atap ótedi vedomstvodan.
Foto:instagram: za_rulem_astana