Elordada jedel járdem kóligi apatqa ushyrady
NUR-SULTAN. QazAqparat – Elordada jedel járdem kóligi apatqa ushyrady, dep habarlaıdy QazAqparat tilshisi.
«21 tamyzda saǵat 18:40 kezinde «Toyota Corolla» kóligin tizgindegen 26 jastaǵy júrgizýshi Kereı, Jánibek handar kóshesi jaǵynan Qabanbaı batyr dańǵyly boıymen kele jatyp, Orynbor kóshesiniń qıylysynda baǵdarshamnyń belgisimen solǵa qaraı burylar kezde basqa kólik quralyna jol bermegen. Osynyń saldarynan «Hyundai» markaly jedel járdem kóligimen soqtyǵysty», - delingen qalalyq Polıtsııa departamenti baspasóz qyzmetiniń málimetinde.
Jol-kólik oqıǵasy saldarynan «Toyota Corolla» júrgizýshisi men jedel járdem brıgadasy qyzmetkerleri túrli jaraqatpen aýrýhanaǵa jetkizildi. Osy JKO boıynsha tekserý sharalary júrip jatyr.
