Elordada jedel járdem kóligi jol ortasynda aýdarylyp qaldy

ASTANA. KAZINFORM – Astana kóshesinde jeńil avtokólik pen jedel járdem kóligi soqtyǵysyp, apat saldarynan eki adam zardap shekti. Bul týraly qalalyq polıtsııa departamentiniń baspasóz qyzmeti habarlaıdy.

- Turan jáne Uly dala dańǵylynyń qıylysynda «Hyundai» markaly jeńil avtokólik pen jedel járdem kóligi soǵysty. Qaqtyǵys saldarynan jedel járdem kóligi aýdarylyp qaldy,- delingen habarlamada.

Resmı aqparatta aıtylǵandaı, jol apatynan eki adam zardap shekti, alaıda olar dárigerler teksergen soń úılerine jiberildi.

- Atalǵan fakti boıynsha tekserý amaldary bastaldy, jol apatynyń mán-jaıy anyqtalyp jatyr, - deıdi vedomstvodan.

Aıta ketsek, Astana men Almatyda jedel járdem qyzmetkerleri vıdeojeton paıdalana bastady.

Sondaı-aq elorda turǵyndary jedel járdemniń qozǵalysyn naqty ýaqyt rejıminde baqylaı alady.