Elordada jedel aýrýhanaǵa jatqyzý kórsetkishi 17,6 paıyzǵa tómendedi
ASTANA. 19 shilde. QazAqparat - Astana qalasyndaǵy jedel aýrýhanaǵa jatqyzý deńgeıi 2013 jyldyń 6 aıynyń qorytyndysy boıynsha ótken jyldyń sáıkes merzimimen salystyrǵanda 17,6%-ǵa tómendedi. Bul týraly Respýblıkalyq densaýlyq saqtaýdy damytý ortalyǵynyń baspasóz qyzmetine silteme jasap, primeminister.kz saıtynan habarlandy.
«Elordada josparlanǵan aýrýhanaǵa jatqyzý deńgeıi 2013 jyldyń 6 aıynyń qorytyndysy boıynsha ótken jyldyń sáıkes merzimimen salystyrǵanda 17,6%-ǵa artty. Sonymen qatar, usynylǵan málimetterge sáıkes jedel aýrýhanaǵa jatqyzý deńgeıi ozy kezeńde kerisinshe 17,6%-ǵa tómendegen» delingen ortalyq málimdemesinde.
Sonymen qatar, Astana qalasyndaǵy halyqtyń gospıtaldik naýqastanýy qurylymynda birinshi orynda «Júktilik, bosaný jáne týǵannan keıingi kezeń» tur, bul 19877 oqıǵany quraıdy jáne aýrýhanaǵa jatqyzýdyń barlyq jaǵdaılarynyń 31 paıyzyna teń. Odan keıingi kezekte «Qan aınalymy júıesi aýrýlary» - 9867 oqıǵa (15,4 paıyz), al úshinshi orynda - «Nesep-jynystyq júıe organdary aýrýlary» - 4768 naýqas (7,4 paıyz).
«Budan ózge, as qorytý organdary aýrýlary, jaraqat alý jáne ýlaný, tynys alý organdary aýrýlary, óskin jáne júıke júıesi aýrýlary sııaqty aýrýlarmen aýrýhanaǵa jıi túsip jatady. Óz kezeginde, balalar arasynda keń taraǵan aýrýlar - tynys alý organdary aýrýlary, týa bitken aýytqý (damý kemtarlyǵy), júıke júıesi aýrýlary, bosanǵan kezde paıda bolatyn basqa da jaǵdaılar, jaraqat alý jáne ýlaný» delingen baspasóz baıanynda.
