Elordada jazýshy N.Dáýtaıulynyń shyǵarmashylyǵyna arnalǵan «Qazynaly qaınar» atty ádebı kesh ótti
ASTANA. Jeltoqsannyń 8-i. QazAqparat /Marlan Jıembaı/ - Nesipbek Dáýtaıuly ózindik paıymy, sóz saptaý mashyǵy jetilgen jazýshy. Bul pikirdi búgin QR Ulttyq akademııalyq kitaphanasynda belgili qalamger, Halyqaralyq «Alash» ádebı syılyǵynyń laýreaty Nesipbek Dáýtaıulynyń shyǵarmashylyǵyna arnalǵan «Qazynaly qaınar» atty ádebı kesh barysynda Memlekettik syılyqtyń laýreaty Dúkenbaı Dosjan bildirdi,
dep habarlaıdy QazAqparat.
Mádenı keshke QR Parlamentiniń depýtattary, QR Mádenıet jáne aqparat mınıstrliginiń ókilderi, belgili jazýshylar, ǵalymdar qatysty. Shara barysynda qalamgerdiń jeke kitap kórmesi ashylyp, onyń shyǵarmalarynan úzindiler, monologtar oqyldy. Sonymen qatar jas oryndaýshylar halyq ánderin oryndap, kúı shertti.
Eńbek jolyn Qordaı aýdandyq «Qordaı» gazetinde tilshi bolyp bastaǵan ol bólim meńgerýshisi, jaýapty hatshy, redaktordyń orynbasary qyzmetterin jemisti atqardy. «Egemen Qazaqstan» gazetiniń Qyrǵyz elindegi menshikti tilshisi boldy. Qazir Tarazda shyǵatyn «Jambyl» ádebı-kópshilik jýrnalynyń bas redaktory qyzmetinde isteıdi.
Onyń «Aq kógershin», «Alma aǵashynyń butaǵy», «Ánim sen ediń» atty hıkaıattary, «Qudiret pen qasiret» romany jaryq kórdi. Qalamgerdiń «Altyn balyq» hıkaıaty 2009 jyly halyqaralyq «Daraboz» báıgesiniń bas júldesin ıelendi. Sonymen qatar ol birqatar respýblıkalyq jabyq konkýrstardyń júldegeri.
