Elordada jazǵy aýyl sharýashylyǵy jármeńkeleriniń maýsymy bastalady

ASTANA. KAZINFORM - Elordada 5 sáýirden bastap Beıbarys Sultan kóshesiniń boıynda aýyl sharýashylyǵy jármeńkesi bastalady, dep habarlaıdy Astana ákimdiginiń resmı saıty.

Aýyl sharýashylyǵy jármeńkesi «Rıo-de-Janeıro» TK (Beıbarys Sultan kóshesi, 23) qarama-qarsy ornalasatyn bolady. Ol kún saıyn saǵat 9.00-den 19.00-ge deıin ashyq bolady.

Jármeńkede jergilikti, sondaı-aq Qazaqstannyń túrli oblystarynan taýar óndirýshileri jetkizgen túrli taýarlary usynylady.

Qala turǵyndary men qonaqtary kókónister men jemisterdi, et, un jáne sút ónimderin, kondıterlik ónimderdi, tabıǵı shyryndardy jáne t.b. satyp ala alady.

Jurtshylyqqa yńǵaıly bolý úshin jármeńkege № 2, 32, 49, 50, 73 avtobýs marshrýttary qatynaıdy, bul qolaılylyqty qamtamasyz etedi.

Aıta ketý kerek, elordada demalys kúnderi ótetin jármeńke bar, ol saǵat 10:00-den 22:00-ge deıin jumys isteıdi. Jármeńke Saryarqa aýdanynda, Nurǵısa Tilendıev dańǵyly 12a mekenjaıyndaǵy «Koktal» saýda-oıyn-saýyq ortalyǵynda ornalasqan.

Buǵan deıin Astanada Belsendi uzaq ómir súrý ortalyǵy ashylǵanyn habarlaǵan edik.