Elordada «Jaıdarman» festıvali ashyldy
ASTANA. QazAqparat - Kóktemniń alǵashqy kúni elorda turǵyndary men qonaqtary úshin «Jaıdarman» festıvali bastaldy.
Bul týraly astana.kz saıtyna qalalyq Jastar saıasaty máseleleri basqarmasynan habarlady.
36 komandanyń 20-sy joǵary lıgaǵa joldama aldy: «Agrarka jastary» (S. Seıfýllın at. Qazaq agrotehnıkalyq ýnıversıteti), «Altyn belgi» (L.N. Gýmılev at. Eýrazııa ulttyq ýnıversıteti), «Shabyt» (Qazaq ulttyq óner ýnıversıteti) jáne t.b. sahna tórinde jas ta bolsa keńinen tanymal bolyp úlgergen komandalar baq synaýda. Maýsym «Ádebıet» taqyrybynan bastaldy. Sonymen qatar, kórneki qoıylymdarǵa stýdentik jáne mektep komandalary qatysty.
Aıta keteıik, lyq tolǵan zalda festıvaldi tamashalaýǵa kelgenderdiń basym bóligi mektep oqýshylary men stýdentter boldy.
Іs-sharany uıymdastyrýshylardyń atap ótýinshe, oıynnyń deńgeıi kóterilip, al jastardyń qazaq tilindegi «Jaıdarmanǵa» qyzyǵýshylyǵy áldeqaıda artqan.
