Elordada «Jaıaýǵa jol ber!» aktsııasy ótedi
ASTANA. 20 mamyr. QazAqparat - Astana qalalyq ІІD Jol polıtsııasy qyzmetkerleri men qalalyq jol qozǵalysynyń jas ınspektorlary 22 mamyrda «Jaıaýǵa jol ber!» aktsııasyn ótkizedi. Bul týraly Astana qalalyq ІІD JPB baspasóz qyzmeti habarlady.
«Aktsııanyń maqsaty - jaıaý júrginshilerdiń kinásinen bolatyn jol-kólik oqıǵalaryn azaıtyp, joldan ótý mádenıetin kóterý, jol qozǵalysyna qatysýshy retinde jaıaý júrginshilerge kólik júrgizýshileriniń nazaryn aýdarý», - delingen habarlamada.
Astana qalasynyń resmı saıtynyń habarlaýynsha, aktsııa kezinde jol polıtsııasy qyzmetkerleri men olardyń jas kómekshileri Jol qozǵalysy erejesin múltiksiz saqtaý, jaıaý júrginshilerge degen qurmetti arttyrý, sondaı-aq, balalardy mashınamen alyp júrýde mindetti túrde arnaıy ustaý qondyrǵylaryn ornatý jóninde júrgizýshilermen aldyn ala áńgimeler ótkiziledi.
Barlyq jol qozǵalysyna qatysýshylarǵa aqparattyq paraqshalar men jol boıyndaǵy qaýipsizdik týraly jadynamalar taratylady. Aktsııa aıasynda jol polıtsııasy qyzmetkerleri elordanyń eń qaýipti kóshe qıylystarynda aldyn alý jumystaryn uıymdastyrady.
