Elordada jaıaý júrginshini qaǵyp mert qylǵan júrgizýshi oqıǵa ornynan qashyp ketti

Nur-Sultan qalalyq polıtsııa departamentiniń málimetinshe, 6 qazan kúni saǵat 21:19-da «Chance» markaly kólikti mas kúıde basqarǵan júrgizýshi Á.Kekilbaev kóshesimen kele jatyp, Q.Qaısenov kóshesi qıylysynda baǵdarshamnyń tyıym salynǵan belgisine qaramastan ótip ketip, jaıaý júrginshini qaqqan. Júrgizýshi oqıǵa ornyna boı tasalaǵan. Al baǵdarshamnyń ruqsat etilgen belgisimen jaıaý júrginshiler joly arqyly ótip bara jatqan 28 jastaǵy jigit alǵan jaraqaty saldarynan oqıǵa ornynda kóz jumdy.

Oqıǵa ornynan boı tasalǵan «Chance» markaly kóliktiń júrgizshisi saǵat 21:22-de kóshe qıylysynda turǵan «Lexus» kóligin soqqan. Osydan keıin ol kóligin tastap qashyp ketken. «Lexus» kóliginiń jolaýshysy – aıaǵy aýyr kelinshek aýrýhanaǵa jetkizilip, dárigerler qaraǵannan keıin úıine jiberilgen.

«Jedel izdestirý sharalary barysynda kóliktiń 23 jastaǵy mas júrgizýshisin polıtsııa qyzmetkerleri qolǵa túsirdi. Medıtsınalyq kýálandyrý qorytyndysyna sáıkes, ol orta aýyr deńgeıinde alkogolge mas kúıde bolǵan. Atalǵan fakti boıynsha Qylmystyq kodek 345-1 baby 3-tarmaǵy jáne 347- baby boıynsha tergeý júrgizilip jatyr. Ustalǵan azamat Nur-Sultan qalalyq PD ýaqytsha oqshaýlaǵyshyna qamaldy», - dep atap ótedi vedomstvodan.

Jalpy, osy jyldyń 9 aıynda elordada mas júrgizýshilerdiń kesirinen 14 jol-kólik apaty oryn alyp, saldarynan 1 adam qaza tapsa, 21 adam túrli dene jaraqatyn alǵan.

«Mas júrgizýshilerdiń kinásinen oryn alatyn jol-kólik oqıǵalarynyń sany artyp keledi. Oqıǵa saldarynan kinásiz adamdardyń mert bolýy nemese jarynjan bolyp qalýy aıryqsha qaıǵyly jaıt. Mas júrgizýshilerdiń kinásinen oryn alatyn apattardyń aldý alý elordalyq polıtsııanyń basym mindeti bolyp qala beredi», - dedi Nur-Sultan qalalyq PD bastyǵy Erdan Sádenov.