Elordada jaıaý júrginshiler 64 jol apatyna sebepshi bolǵan
NUR-SULTAN. QazAqparat – Jyl basynan beri Nur-Sultan qalasynda jaıaý júrginshilerdiń kinásinen 64 jol-kólik oqıǵasy oryn alǵan, dep habarlaıdy QazAqparat elorda polıtsııa departamentiniń baspasóz qyzmetine silteme jasap.
Jol-kólik oqıǵalarynyń taldaýyna sáıkes, bıylǵy jyldyń 9 aıynda elordada 285jol apaty tirkelgen. 9 adam qaıtys bolǵan, 56 adam túrli dene jaraqatyn alǵan. Jaıaý júrginshilerdiń kinásinen 64 jol apaty bolǵan.
Ákimshilik polıtsııa qyzmetkerleriniń aıtýynsha, jol-kólik oqıǵasyna kóbinese jaıaý júrginshilerdiń júgensizdigi, jol erejesin bilmeýi sebep bolǵan. Negizinen jaıaý júrginshiler belgilenbegen jerden jáne baǵdarshamnyń qyzyl shamy janǵanda joldan ótken.
Jol qozǵalysy erejesin buzǵany úshin QR ÁQBK 615-baby boıynsha ákimshilik is qozǵalǵan. Óz kinásin moıyndap, jol erejesin buzǵan jaıaý júrginshilerge qatysty 10 AEK kóleminde aıyppul salynǵan.
Nur-Sultan qalasynyń polıtsııa departamenti elorda turǵyndary men qonaqtarynan jol qozǵalysy erejelerin jáne barlyq qaýipsizdik sharalaryn saqtaýdy suraıdy.
