Elordada jataqhanadan órt shyqty
ASTANA. QazAqparat – Elordada órt sóndirýshiler órtengen jataqhanadan 4 gaz ballonyn alyp shyqty, dep habarlaıdy QazAqparat Astana qalasy Tótenshe jaǵdaılar departamentiniń baspasóz qyzmetine silteme jasap.
«Búgin saǵat 13.01-de órt sóndirý qyzmetine Taısoıǵan kóshesi, 10 mekenjaıyndaǵy jataqhanadan órt shyqqany týraly habarlama kelip tústi. Órt sóndirý bólimsheleri oqıǵa ornyna kelgen kezde birneshe bólmeniń janyp jatqany, órttiń tóbe jabyny men shatyrǵa ótkeni anyqtaldy.
Elordalyq órt sóndirýshilerdiń jedel jáne úılesimdi áreketteriniń arqasynda jataqhanadan múgedek áıel qutqaryldy, ol 103 medıtsına qyzmetkerlerine tabys etildi»,-delingen habarlamada.
Aldyn ala málimet boıynsha áıel adam ortasha dárejeli kómirtegi totyǵymen ýlanǵan. Sonymen qatar órt sóndirýshiler órt ornynan 4 gaz ballonyn alyp shyqty.
Órt saǵat 15.25-te joıyldy. Qaıtys bolǵandar joq. Órtti sóndirýge jeke quramnan 23 adam jáne 5 birlik tehnıka jumyldyryldy.
