Elordada jataqhanadan órt shyǵyp, 50 adamdy evakýatsııalady
ASTANA. KAZINFORM – Tańerteń elordanyń Saryarqa aýdany Bulanty kóshesindegi jataqhananyń alty qabatynan órt shyqty.
- Alǵashqy bólimsheler kelgen kezde órt jataqhananyń 6-qabatynan shyqqany anyqtaldy. Órt sóndirýshiler kelgende qabat tolyǵymen otqa oranǵan edi. Dereý gaz-tútinnen qorǵaý qyzmeti qurylyp, barlaý jumystary bastaldy. Tótenshe jaǵdaı kúshterimen sýdy úzdiksiz jetkizý qamtamasyz etildi, - dep habarlaıdy Tótenshe jaǵdaılar mınıstrligi.
Barlyǵy 540 adam bolǵan, qutqarýshylardyń kúshimen 50 adam (onyń ishinde 7 bala bar) evakýatsııalandy.
- 1600 sharshy metr alańdy sharpyǵan órt tolyq sóndirildi. Oqıǵa ornynda órtti zertteý synaq zerthanasynyń jáne Tótenshe jaǵdaılar departamentiniń anyqtaý bóliminiń qyzmetkerleri jumys istep jatyr, - delingen jedel habarda.
Tilsiz jaý saldarynan zardap shekkender joq, qazir órttiń sebebi anyqtalyp jatyr.
Naýryzdyń sońynda Astanada 60 adam órtten qutqarylǵan edi.