Elordada jataqhana órtenip, ıis tıgen eki adam aýrýhanaǵa tústi
ASTANA. QazAqparat - Astanada jalpy aýdany 150 sharshy metr bolatyn jataqhana órtendi, dep habarlaıdy QazAqparat tilshisi.
«16 jeltoqsan kúni saǵat 13:44-te Astana qalasy tótenshe jaǵdaı departamentiniń órt sóndirý bólimsheleri Almaty aýdany Balqantaý kóshesi, 137 mekenjaıyna bardy. Qutqarýshylar oqıǵa ornyna 4 mınýtta jetti jáne eki qabatty kottedjdiń jataqhana retinde qaıta jabdyqtalǵanyn anyqtady. Onda jalpy aýdany 150 sharshy metr bolatyn shatyr men úı tóbesi órtengen», - dep habarlady qalalyq TJ departamenti.
Órtti sóndirýge 20 adam men 4 tehnıka jumyldyryldy. Olar tilsiz jaýdy saǵat 14:27-de óshirip bitti.
Saldarynan 1971 jyly jáne 1994 jyly týǵan eki adam kómirtegi totyǵymen ýlanyp, aýrýhanaǵa jetkizildi.
