Elordada jataqhana órtendi
NUR-SULTAN. QazAqparat - Elordada jataqhana órtendi. Bul týraly QazAqparat qalalyq Tótenshe jaǵdaılar departamentiniń baspasóz qyzmetine silteme jasap habarlaıdy.
«9 naýryz kúni saǵat 06:00-de «101» nómirine «Kóktal-2» turǵyn alabynda órt shyqqany týraly habarlama tústi. Nur-Sultan qalalyq TJD órt sóndirý bólimshesi oqıǵa ornyna kelgen kezde jataqhana retinde jabdyqtalǵan eki qabatty ǵımarattyń 200 sharshy metr aýmaqta shatyry órtenip jatqany anyqtaldy», - delingen baspasóz habarlamasynda.
Órt sóndirýshiler kelip jetkenshe jataqhana turǵyndary óz betterimen dalaǵa shyǵyp úlgergen. Olar avtobýs parkinen jiberilgen avtobýsqa jylyný úshin otyrǵyzyldy. Qaza bolǵandar jáne zardap shekkender joq.
«Órt sóndirýge 9 tehnıka men jeke quramnan 43 adam jumyldyryldy. Órttiń taralýy saǵat 07:39-da toqtatylyp, 09:05-te tolyǵymen sóndirildi. Órttiń shyǵý sebebi anyqtalýda», - dedi vedomstvodan.
