Elordada «Jasyl meken» chellendji aıasynda 187 myń kóshet otyrǵyzyldy
ASTANA. QazAqparat - QR Oqý-aǵartý mınıstrligi uıymdastyrǵan ekologııalyq aktsııaǵa elimizdiń jeti myńnan astam orta, tehnıkalyq jáne kásiptik bilim berý uıymdarynyń ókilderi qatysty, dep habarlaıdy QazAqparat.
Mınıstrliktiń baspasóz qyzmetiniń habarlaýynsha, is-sharaǵa qatysqandardyń qatarynda pedagogter, ata-analar, oqýshylar men stýdentter, sondaı-aq Oqý-aǵartý mınıstri, Ekologııa jáne tabıǵı resýrstar mınıstri, QR Parlamenti Májilisiniń depýtattary, qurylymdyq bólimsheler men vedomstvolyq baǵynysty uıymdardyń basshylary bar.
Esterińizge sala keteıik, «Jasyl meken» respýblıkalyq chellendji Astana ýaqytymen saǵat 12:00-de bastaldy. Aqmola oblysynyń №1 Qoıandy mektebiniń oqýshylarymen birge kóshet otyrǵyzýǵa Oqý-aǵartý mınıstri Ǵanı Beısembaev pen Ekologııa jáne tabıǵı resýrstar mınıstri Zúlfııa Súleımenova qatysty.
QR Oqý-aǵartý mınıstri respýblıkalyq is-sharanyń mańyzdylyǵyn atap ótip, oqýshylardy qorshaǵan ortany qorǵaýǵa, eńbekqorlyqqa shaqyrdy.
«Bul chellendjdiń negizgi maqsaty – barlyq Qazaqstan mektepterindegi oqýshylardy, ustazdardy tabıǵatymyzdy aıalaýǵa, ony qorǵaýǵa jáne eń bastysy eńbekqorlyqqa baýlý. Kóshet, jasyl-jelek otyrǵyzyp eńbektenýdi, týǵan jerge janashyr bolýdy úırenemiz. Bul dástúrli is-sharaǵa ulasyp, qoǵam úshin úlgi bolýy tıis», - dedi Ǵanı Beısembaev.
Aıta keteıik, ekologııalyq mádenıetti damytý men týǵan ólkeniń tabıǵatyn aıalaýǵa negizdelgen chellendj aıasynda el boıynsha 187 myń kóshet, 150 myń gúl egildi. Іs-sharaǵa 9,10 jáne 11 synyptardan 750 myńǵa jýyq oqýshy qatysty. Chellendjge atsalysqan 25 myńǵa jýyq pedagog jas urpaqty eńbekqorlyqqa baýlyp, olarǵa úlgi kórsetti.
Aıta keteıik, ekologııalyq aktsııa #oqýaǵartý #zabotaoprırode #posadkadereva #jasylmeken #eńbekqorlyq jalpy heshtegimen ótti.
