Elordada «Jasyl kópir» seriktestik baǵdarlamasyna arnalǵan halyqaralyq jıyn ótedi
ASTANA. 4 qyrkúıek. QazAqparat - Aǵymdaǵy jyldyń 30 qyrkúıeginde elordada úlken halyqaralyq jıyn ótip, onda Memleket basshysynyń «Jasyl kópir» seriktestik baǵdarlamasy boıynsha ıdeıasy odan ary jyljytylatyn bolady. Bul týraly búgin Qazaqstannyń «Jasyl ekonomıka» tujyrymdamasyn jemisti júzege asyrý quraly retinde «Kaspıılik jasyl paket» mýltımedııalyq bilim berý resýrsynyń tusaýkeserine arnalǵan dóńgelek ústel jıyny barysynda QR Qorshaǵan ortany qorǵaý vıtse-mınıstri Bektas Muhamedjanov aıtty.
«Aǵymdaǵy jyldyń 30 tamyzynda biz úlken halyqaralyq konferentsııa ótkizýdi josparlap otyrmyz, onda Memleket basshysynyń «Jasyl kópir» seriktestik baǵdarlamasy boıynsha ıdeıasy odan ary jyljytylatyn bolady. Bizder «Jasyl kópir» seriktestik baǵdarlamasy» halyqaralyq uıymyn qurýdy jarııa etetin hartııaǵa qol qoıýdy josparladyq. Azııanyń, Ortalyq Azııa men Eýropa óńiriniń barlyq elderin atalǵan hartııaǵa qol qoıýǵa shaqyramyz»,- dedi ol.
Onyń atap ótýinshe, atalǵan qujatqa qol qoıý qandaı da bir qarjylyq mindettemeler júktemeıdi.
«Hartııa - bul yntymaqtastyqqa, ashyqtyqqa shaqyrý», - dedi B.Muhamedjanov.
